Ганна Гiнько. Вакзальныя кветкі

 Анна Гинько, библиотекарь 1 категории детской библиотеки №10 ГУ "ЦСДБ г.Минска"

Для каго вы, вакзальныя кветкі?

Хто чакае вас у цішы?

Гэдак любяць хлопцы-падлеткі

Вас раўнаць да дзявочай душы.

Для каго вы ўсё шчасце зямное?

Для каго вы вечны пакой?

Штосьці светлае вы і радное,

Незагубнае гэтай зімой.

Так і цягнуцца рукі за вамі,

Так і хочацца вас абдымаць,

Ды трымаць у сябе гадамі

І ніколі не адпускаць.

Толькі ж вы паміраеце з часам,

Вам на змену другія растуць.

Вось бы ўзяць ды сабраць усіх разам,

Каб забыцца, што годы ідуць.